TT Ads

ఉమ్మడి మహబూబ నగర్ జిల్లా మక్తల్ నియోజకవర్గంలో అధికార బీఆర్ఎస్ ఎమ్మెల్యే చిట్టెం రామ్మోహన్ రెడ్డి పై అదే పార్టీకి చెందిన నాయకులు తిరగబడ్డారు. నియోజక వర్గం అభివృద్ధిని పట్టించుకోని చిట్టెం రామ్మోహన్ రెడ్డి తమపై విమర్శలు చేయడాన్ని పలువురు టిఆర్ఎస్ సీనియర్ నాయకులు తప్పు పట్టారు. ఎమ్మెల్యే తమ వర్గంపై చేసిన అనుచిత వ్యాఖ్యలను తీవ్రంగా ఖండిస్తున్నట్లు సీనియర్ టిఆర్ఎస్ నాయకుడు గవి నోళ్ళ గోపాల్ రెడ్డి చెప్పారు. మక్తల్ నియోజకవర్గానికి చెందిన పలువురు సీనియర్ నాయకులతో కలిసి ఆయన మీడియాతో మాట్లాడారు.

రామ్మోహన్ రెడ్డి ఎమ్మెల్యే అయినప్పటినుండి మక్తల్ నియోజకవర్గంలో అభివృద్ధి కుంటుపడిందని ఆయన ఆరోపించారు. భూత్పూర్ ముంపు బాధితుల గోడును కనీసం వినే స్థాయిలో కూడా ఆయన లేడని గోపాల్ రెడ్డి విమర్శించారు. ఇక నియోజకవర్గంలో రోడ్ల పరిస్థితి కూడా అధ్వానంగా తయారైందని ఆయన అన్నారు మక్తల్ కు 150 పడకల ఆసుపత్రి, ఫైర్ స్టేషన్ ప్రభుత్వ డిగ్రీ కళాశాల ,కోర్టు మంజూరు చూపిస్తానని హామీలు ఏమైపోయాయి అని ఆయన ప్రశ్నించారు.

 

నియోజకవర్గంలో ఎత్తిపోతల పథకాలు ఉన్నప్పటికీ అవి ఎందుకు పని చేయడం లేదు రామ్మోహన్ రెడ్డి సమాధానం చెప్పాలని గోపాల్ రెడ్డి డిమాండ్ చేశారు. నియోజకవర్గంలో రామ్మోహన్ రెడ్డి అతని అనుచరులు చేస్తున్న అవినీతి ఇంత కాదని ఆయన పేరు చెప్తేనే ప్రజలు బెంబేలెత్తిపోతున్నారని ఆయన అన్నారు. తామంతా రామ్మోహన్ రెడ్డి కంటే ముందే టిఆర్ఎస్ పార్టీలో ఉన్నామని, ఆయన బెదిరింపులకు భయపడే పరిస్థితిలో లేమని గోపాల్ రెడ్డి అన్నారు తామంతా ఇప్పటికీ బి ఆర్ ఎస్ సైనికులుగానే ఉన్నామని కానీ రామ్మోహన్ రెడ్డిని ఎమ్మెల్యేగా అంగీకరించబోమని విలేకరుల సమావేశంలో పాల్గొన్న నాయకులు మొత్తం స్పష్టం చేశారు .మక్తల్ కు ఎమ్మెల్యే వల్ల చీడ పట్టిందని ఆయనను ఓడించేందుకు పార్టీలకతీతంగా అందరం ఒకటై ఓడిస్తామని గోపాల్ రెడ్డి అన్నారు

 

TT Ads

Leave a Reply

Your email address will not be published. Required fields are marked *